قصيدة رأس السنة محمود رضوان [TABLE=width:70%;][CELL=filter:;] قالت لى ممكن .. أبقى غنوة أو قصيدة أو حكاية من حكاويك للصحاب ممكن أبقى فكرة تيجى يوم فى بالك تبعدك لو حتى لحظة عن الملل أو ترحمك م الاكتئاب ممكن أبقى اى حاجة من حاجاتك اى صورة فوق حيطان البيت اى ساعة بتدق فى ساعاتك ممكن أبقى نضارتك تشوف بيها الأمل أو حتى بكرة المحتمل ممكن أبقالك مراية تبص فيها كل يوم ممكن أبقى رواية حتى تسلى قلبك م الهموم ممكن أبقى اى حلم ياخدك فى ليلة للأماني ممكن أبقى حتى ذكرى اى حاجة اى فكرة ممكن أبقى حد تانى وقبل ماهنطق وأقول سمعت صوت ينده يقول: أيها السادة : احنا على وش الوصول وقبل ما تسلم عليا وقبل ما ابص فى عنيها حد تانى جه مسك باديه اديها والكلام وقف مابين قلبين حزين مقدرش ينطق للأسف كلمة وداع وقبل ما اخرج م المطار وقبل ما اشعر بالوصول وقبل ما استأنف حياتى بقت فى لحظة كل حاجة من حاجاتى [/CELL][/TABLE]

• أدوات :
• [إرسال لصديق]
• [طباعة]
• [حفظ بإسم]
• [حفظ PDF]

اشكركم على نشر القصيدة والاهتمام بها واسعد دائما بهذا التواصل