[TABLE=width:70%;][CELL=filter:;]
و ف آخر الحارة بانيله مقام
مع فض النور ..
من قلب جراب فتافيت الحال
و الليل مليان
قصاقيص .. حكايات
أحلام ..و بنات
وولاد ..مرايات
ترسملك حلمك رغم سُكات
الزَّن في ودن الليل بالنور
أفراح و زينات
أطباق بنُّور
واخد من حظ الدنيا قيراط
و بانيلك بيت
أصل المذكور
حالف ليكون
كعلاء الدين
و الوهم فانوس
بيكحَّل عين
أكبر متعوس
يملاله جيوبه
دهب و فلوس
تفتح شبابيك الدهشة عنيه
مارد أحلامه ف لحظة يجيه
يُشبُك في اديه
خيط الأفراح
و يقيم المولد
لجل مقام شيخ الأوهام
و ده كله يروح
مع أول خبطة إيد م النور
على باب النوم
و النوم سلطان
معزول بقرار
ساري التنفيذ
والعقل هايتعب م التسقيف
محبوس من وهمه في اوضة صفيح
مع اول هزه بعزم الريح
امطار التوهه هاتحضن فيه
و الواقع هيْرَكِب ْروحه
مراجيح التيه
و تراب السكة يغمِّي عنيه
يستسلم فورا من تاني لشيخ الأوهام
يحضر ف الحال
يفتحله الباب
يعمله حجاب
يدعكله فانوس
[/CELL][/TABLE]
الرئيسية
الصور
المقالات
البطاقات
الملفات
الجوال
الأخبار
الفيديو
الصوتيات
0 | 
0 | 
355
