[TABLE=width:70%;][CELL=filter:;]
بنت احتمال.
ومعاها واد يمكن
.. بيجمعهم هروب شرعى
مابين الصعب والممكن
وع الهامش (مانيكان)
بيشبه كل شىء فى القاهرة
مانيكان بلاستيكى المشاعر
بيطل ع الشارع بوعى
بيته القزاز
خلاه يحدف عجز
والصمت فلسفة الوجود
عند الجماد ف الرمز
.........
والبنت عوز فطرى
والواد يجوز بيأول الأحلام
لكن جيبه بيبتدى عكس اتجاه القسوه ف الفستان
والقدره عنده بتنتهى زى النفس ف البرد ع البتارين
..................
وع الهامش سؤال ماشى على الأسفلت
خارج من محطات الترام
من سور قديم للقاهرة كان اسمه باب الخلق
بيهرب من عنين عيل
ف عز البرد لابس نص كم
بيسأل عسكرى اشارة
"هو الطريق لعطفة السلطان منين"
سؤال ماشى على الأسفلت زى الناس
ومابيشبهشى كل الناس
سؤال فطرى
مين اللى علم بترينات وسط البلد
تسخر من الماشيين غلابة
وعلم فقرهم يسخر من البتارين
.؟..............
بنت......احتمال
ومعاها واد ........زيمكن
بيجمعهم هروب شرعى
مابين الصعب والممكن
وع الهامش (مانيكان)
بيشبه كل شىء ف الرمز
بيحلم باتجاه واحد
إن اللى بيته من قزاز
هو اللى يحدف عجز ...........
[/CELL][/TABLE]
الرئيسية
الصور
المقالات
البطاقات
الملفات
الجوال
الأخبار
الفيديو
الصوتيات
0 | 
0 | 
221
