ف المرايـه العاتمه
شوفتــــــــك
!!!

لسّه حالفـــــــــــه
تجربيني

حطّه مكياجــك عليّ
بترسميني

زي حلمــــك انتي بيّ
تخططينـي

ترسميلي
خط أســـــــود
فوق جبيني

ترسمي الحاجب تمانيه
أندهـــــــــش لك
تمسحيني

ترسمي الحاجب هلال
أبتســـــم لك
تشطبيني
!!!

وبذكائك .. تبتدينـي
بس من غير
الحواجب

لاجل مااعلاش ع العيون
اللي رافضه الشوف
لعيني
؟؟؟

تمسكي الكحل اللي حامي
تلغمطيني
تألميني
تعملي بتكحليني

وانتي
ناويــــــــه .. تعمـــي
عيني

لاجل ماتشفش الحقايق
وابقي أعمي طول
سنيني

مهما أصـــــــرخ
بتزديني

وآمّا يـُغمي خلاص عليّ
تمسكي آزازة
النشادر

تدلقيها .. جوّه أنفي
رغم أنفي
تفوقيني

وأسألك وانا بيــــــن
و
بيـــــن

طب آزازة الريحه
فيـــــــــــن
؟!
خبتيها لميــــــن
و
ميـــــن
؟!

غصب عنك .. تسمعيني
وبفراستـــــــــك
تفرسيني

تلمحيني
لسّه مفتوح الشفايف
تكتميني

ترمي جوه البـُق
خيشك
رافضه حتي ترمي
عيشك

اللي فاض فوق
الموائد
واللي مرمي فوق
رصيفك

منه برضـــــــــوا
بتحرميني

تقفلي بين الشفايف
وبلجامك
تخرسيني .. أتخــــــرس
مابترحميني

تقطعي شريان وريدي
وبدمايــــا
تذوقيني

فوق شفايف .. مات غناها
تحطي أحمر
!!!
فوق خدود م اللطم وارمه
تحطي أحمر
!!!

أنسي لون الفقــــــــــر
الاصفر
وافتكرني بصحه
وأحمر
!!!

يبتسم عبطي ف قفايا
واسمعه
بيصرخ ف ودني
:
(( فووووووق ياأحمــــر ))
:
(( دا انت أحمر من حميرهــا .. اللي بتبرطـــع ف خيــرها ))
!!!

أرفض
الصوت اللي جاني
وابتســـــــم
لك
من حناني .. من جناني ..
من إيماني
بإني
عبـــــــــــــــــــدك

وإني
عاشق ليكي وحدك
وارضي تاني
تلونيني
وبدمايــــــا .. تحمريني
واتخــــدع لك
تخدعيني

وامّا يخلص فيّ رسمك
تبعــــــــدي .. وتتآمليني
تلتقيني

مسخ .. أخرس .. شكله
مُقرف
تقرفي من صُنـــــــع
إيــــــــــــــــدك
تزهديني
!!!

تكسري ف وشي
المرايه
تشرّخييني .. تكسريني
تسحقيني

أبقي فــــــــوق الأرض
طينـــــــــــك

تزرعيني .. وتحصديني
تمشي فوقــــي
وتدوسيني
وتسبيني

وامـّا تاني .. بتحتاجيني
بتلاقيني

تحت رجليكي الكريمه
لسّه ساكت .. لسّه راضي
لسّه قابــــــــــل
توجعيني
!!!

تفردي إيديكي اللئيمة
و تجمعيني
!!!

من غباوتي .. يقوللي قلبي
راح تفوقــــــــــي
وترحميني

ألتقيكي
بتبتدينـــــــي .. زي حلمـــــــك
تانـــــــي بـــــــيّ

بترسميني
!!!
ـــــــــ