[TABLE=width:70%;][CELL=filter:;]
من بعد ساكته و نومه
شايفك يا مصر الجميلة
قايمة قومه
حالفه تجيبى الشمس
من بطن السنين
خارجة من عز التعب
شايلة الحنين
بتنادى فينا
من القدم للجبين
على خطوة تنقل
من سنين لسنين
لراس مرفوعة بترفرف
تغنى موال للأمل و الأنين
أخضر مخضر
يطرح زهر فى البساتين
يا آآآآآآآآآه
يا ليل
يا عين
اللى انكتب ع الجبين
لا زم تشوفه العين
و اللى انكتب معروف
من بعد واقعة... قومة
ومن بعد الغرق ..عومه
يا مصر
يا ريحة برتقان يافا
قومى لجل الشجر يتعافى
يا مصر
يا طعم الفرات و النيل
و بغداد الشموخ و النخيل
و ارز لبنان الجميل
هلى علينا و افتحى الشباك
يبل ريقنا نسيمك
و ندوق يا بلح الشام دواك
فى عنب اليمن نهواك
نفرح بموز الصومال
و استوديهات الدوحة
و شرطة الامارات
و بحبة البركة
من الأراضى الطاهرة
نسمع ندا القاهرة
من طنجة للبحرين
و تونس الخضرا
تسر العين
تلمح قمر فى الجزر
تغنى لجيبوتى
و من نواكشط للكويت
تسمع صدى السودان
بينادى على وهران
يرد فى عمّان
وصداه يروح لعمان
يحضن تراب الأقصى
و يرن جرس القيامة
فى كل شبر و علامة
و يقول يا بنغازى
طول عمر أمتنا
بتطرد الغازى
من الهكسوس
الى النازى
و الدور على الشيطان
صهاينة أو أمريكان
و أنظمة عميلة
قليله الحيلة
عويلة و عليله
يا مصر يا جليلة
من بعد ساكته و نومة
شايفك يا مصر الجميلة
قايمة قومة
بتنادى فينا
من القدم للجبين
على خطوة تنقل
من سنين لسنين .
[/CELL][/TABLE]
الرئيسية
الصور
المقالات
البطاقات
الملفات
الجوال
الأخبار
الفيديو
الصوتيات
0 | 
0 | 
409
