<![CDATA[ الديوان | شعر عامية ]]> http://www.aldiwan.org//articles-action-listarticles-id-10.htm المقالات ar-sa Copyright 2012 - aldiwan.org Sat, 11 Feb 2012 21:23:10 +0300 Thu, 19 Jan 2012 23:14:01 +0300 شعر عامية Dimofinf Rss Feed Generator 1440 <![CDATA[ رسالة لمصر ]]> خالد أبو حامد

يا مصر من دم ثوارك رسمتك صورة وردية لبكره الجاى يبنيلك عزه ومجد بأحجار تاريخك حدفوها ولادك ضد الظلم صرخت بأعلى الصوت فينك يا حرية هنجيبك ونشيدى هتاف شبابك وألحانه بحة حناجرهم ضد الظلم وترنيمتى وتواشيحى مسلم مسيحى الكل ثاير ضد الظلم الشيخ بيتبسم وهو بيضحى بروحه للفجر اللى بكره جاى ودانيال بيهتف يا عدرا خدينى للفجر اللى بكره جاى وان غاب الفجر يا صابره الفجر بكره جاى اوعى تخافى يا سمرا الفجر بكره جاى احلف بدم الشهيد الفجر بكره جاى

]]> http://www.aldiwan.org//articles-action-show-id-2245.htm Tue, 31 Jan 2012 23:50:00 +0300 <![CDATA[ قصيدة (ما نيش خايف ) ]]> ما نيش خايف لكن شايف وشوش تقلق وما طمنش عقول ضلمة وإيد ظا لمة تيجى تفهم متستحملش ونا س تا نية سنا ن حا مية لكن أحمى من سنا ن القرش تا كل لحمك ولا تكبرش ونا س تا نية مع العا يمة لا هى صا حيه ولا نا يمة ووشوشها متتميزش وفى الطا لعة وفى النا زلة عما لة تربى فى كرش تطبلك تزمرلك تصفقلك تزغرد لك وفى خيبتك تشكرلك طالما معاك القرش ونا س عا يشه كدود المش لا بتهش ولا بتنش وخيط العنكبوت ع الوش تقوم الدنيا أو تقعد رموشها ما ترمش تيجبها يمين تجيبها شمال أهى مطاوعا ك وما بتفرقش عرفتوا ليه ما نيش خايف لكن قلبى ما مطمنش http://www.aldiwan.org//contents/myuppic/04f2841324aed2.jpg

]]> http://www.aldiwan.org//articles-action-show-id-2241.htm Tue, 31 Jan 2012 22:28:00 +0300 <![CDATA[ (ديزني) ]]> - مع ان اللي باعت عرايسها القماش لبتاع البيكا وساعدت كتير في مصاريف الافتتاح ونجاح الدعايه هي انا ... ح توصي الامن يمنعوني.. اسرح بـ فشار قدام باب الدخول بكل جحود ح تكسر مكنةغزل البنات وح تسبب في مشكله نفسيه لــ ميكي وبطوط - مشهد انساني- مراجيحك اللي بعتهم لغجر الموالد بتراب الفلوس مش قادرين بجد يستوعبوا وجود السيجاره الدانهيل بين صوابعك -بينوكيو- متزعلش كم الاختلافات في الصوره مش كتير كان ليها حق ترفض العدسه سرد تفاصيل ايامنا في ضهر صور الفرح كان ليا حق اوصيك علي بيانوله نص عمر توهبهالي صدقه جاريه بعد نجاح خطتك الجديده لشعري الابيض وساعة موتي.

]]> http://www.aldiwan.org//articles-action-show-id-2221.htm Sat, 28 Jan 2012 17:09:00 +0300 <![CDATA[ ثورة الفحم ]]> شعر : حسام بخيت الفحم له حالتين فحم يتفجر حريق وفحم تحت الضغط يتحول لماس فحم يهدى الناس رفاته ....نور ونار وفحم بينور ف ذاته .......ليل ونهار فحم يتحول دفا فحم رغم انه اتعفى فحم كان قيد المراجل فحم كان ف الشدة راجل فحم ف القلم الرصاص يقول ويكتب ف الأدب و فحم بيشوف الخلاص جوه اللهب فحم حجرى وفحم كوك فحم لجل يخدروك فحم يتحول شظايا تبوس مزامير الجوز يطلق الوهم البغايا تنام فى احضان العوز شفت كيف بيضللوك وانت السبب فحم اعجب من العجب فحم كان اصل الوقود فحم صحى الناس رقود قال فيه ثورة مافيش ركود ايد بتضغط ع البارود والتانية بتبيع لك خطب وتلم من عندك دهب فحم كان عندك وعندى فحم قال ما تقوم يا غاندى كان أصيل قبل التحدى سف ملح وشد نول على فعل ووطى قول دق من غير الطبول اعلى درجات الغضب فحم منزوع الشغب فحم مخلى من العصب فحم وان طاله العطب فحم اصله من الخشب وللعجب صار الفحم ناس والناس خشب

]]> http://www.aldiwan.org//articles-action-show-id-2166.htm Thu, 19 Jan 2012 23:14:01 +0300 <![CDATA[ بو عزيزة ]]> أبو زيد بيومي بو عزيزة كان مجرد شخص عادي ناس كتير زيّه فْ بلادي في الحواري بتلاقيهم ... والبيوت هم ّ ملح الأرض .... طينها أمّا قُوْتْهم نُصُّه ... كلمة من نبي والبقية من كلامهم يلحسوها بالسكوت الوشوش فيها سماحة والملامح كلها طيبة ومَلاَحة لو تشوفها بتلاقيها البشوشة الليّنة ....... شخص عادي ساكن الضل فْ ضلوعه من عنيه ..... بتشوف إيمانه للإله .... بتشوف خضوعه يصحى بدري تطلع الشمس لْطُلوعه أمنياته ف يومه يلقى ... لقمتين .... يستلفهم منّه جوعه أمنياته ..... هيّنة شمس يومه هيّ أمه جلاّبيّة نورها فِ ايده شدّها ..... ويروح وراها من ضحاها للغروب كان يقينه إن إيد ربه كريمة .... محسنة و ف ْ صلاته بيدعي دايما يهدي فيهم اللي حاكم واللي ساد وانهم يتزحزحوا ..... يفتحوا سِكّة يعدّي سلسبيل قوت العباد لكن الحاكم بأمره راح بنى من عقله معبد للعناد ترتفع أسوار قساوتة يعتقل فيها البلاد عسكره في كل حتّة " أكثروا فيها الفساد " زرعة السحت ف بطونهم فرعها مال ع الضماير طَلْعَها في الدم داير و القلوب ترضع غشاوة ع العيون تِنْزل ستاير ... من رماد دقة القلب ف صدورهم حاطّة رجليها ف بيادة والجبين طافح بلاَدَة غِلّهم في النفْس عادة يشتعل .... يصبح حريق لو يعدّي النور ف سكة يقطعوا فـ وشه الطريق العَمَى أجّر عنيهم والعقود من ميت سنة بو عزيزة .... إنْ شرب مَيّة وعودهم .... يخذلوه إن طلع سِلّم خياله .... نزّلوه يجلدوا نظرة عيونه لو تبصبص يوم لبُكرة تِتْورب أبواب طموحه يقفلوها بألف أُكْرة يزرعولُه شوك بِيِكْره لما تطرح في الإيدين السوسنة بو عزيزة بالغريزة حسّ إنه مش هنا و ان ّ أرضه المؤمنة .... بِتِنكره و الخطاوي فاس بتهدم أيّ جسر بيعبره و انّ روحه لا هِي طايلة تِتْربط حبل فـْ وريده أو تلاقي فـْ جسمه حِتّة تبقى قبر و تحفره يبقى ميت منّه فيه لو يموت --- أكثر

]]> http://www.aldiwan.org//articles-action-show-id-1965.htm Sat, 24 Sep 2011 21:52:26 +0300 <![CDATA[ النائب اللي ( عام ) ]]> شعر دكتور أبو زيد بيومي النائب اللي عام في ميّة النظام بتجري جوّا دمه يعوّم الأحكام دا النائب اللي عام النائب العمومي طلّعني من هدومي لبّسني في القضية والجاني إدّاه تمام دا النائب اللي عام والنائب السيادة خد أمر م القيادة يلخبط المسائل ويمط في الكلام دا النائب اللي عام والنائب التمام بيسمع الكلام بياخد الأوامر وينفذ المهام دا النائب اللي عام والنائب الحويط شايفني واد عبيط فـــ راح طلّع لسانه بجد و احترام دا النائب اللي عام النائب العدالة يوزع الريالة مراهم القوالة تسكّن الآلام دا النائب اللي عام والنائب النزاهة جه وراح بلاها بيبكي شهداها و ف قلبه الابتسام دا النائب اللي عام النائب الخصوصي يسامح اللصوصي والرك ع النوايا و العفو ع الكرام دا النائب اللي عام والنائب الكريم والطبع فيه سليم بيحبس البراءة ويكرم اللئام دا النائب اللي عام والنائب المحايد بيمشي باللي سايد ما يقطع العوايد ويتبع النظام دا النائب اللي عام والنائب القانوني يقول ياناس سيبوني لو كنتوا هاتزوروني الجلسة كل عام دا النائب اللي عام النائب ف إيده شنطة فناكل الأونطة نقول الحكم عاجل و نفُضّ الاعتصام دا النائب اللي عام عضو اتحاد كُتّاب مصر

]]> http://www.aldiwan.org//articles-action-show-id-1864.htm Sun, 24 Jul 2011 12:26:53 +0300 <![CDATA[ ظابط أمن الدولة السابق ]]> شعر / دكتور أبو زيد بيومي ظابط أمن الدولة السابق صِحِي من نومه حزين وكئيب كان مش طايق حتى هدومه حسّ بيومه .... صعب رهيب عنده فراغ طول ليله و يومه كان متقريف للتعذيب بَصّ فْ وشّه لِقِي نظرات ف عنيه بتحشّه دابّة ضوافر فيه و تْخُشّه كان محتاج لحاجات بتْفشّه بَصّ ف وشّه والتكشيرة إدّى شرارة العين تأشيرة هَب و دَبّ ..... و عّلا الصوت بتكشّر لي يابن ال......... ؟ يسخن ...... يضرب بالشلوت انطق يابني ولاّ تموت يصرخ ..... انطق يصرخ .... يضرب بالنبّوت انطق يابن ال .............. مين ودّاك مين كان جابك مين شركاءك مين أصحابك مين في الصبح بييجي يزورك مين في الليل بيخبّط بابك مين بيموّل مين بيحوّل في الأخبار إيه خلاك تطلّع دقنك إنت مخبّي أكيد أسرار ليه بتصلي ليه تتوضاّ طب ليه تقرا جريدة معارضة إنت أكيد جوّاك تتمنّى يصبح كل نظام منهار لف الظابط لفّة ودار إيه تفكيرك إيه تدبيرك مش راح أقبل زيف تبريرك مش راح آ خد بالأعذار قول يا حمار دار الظابط تاني و لَفّ بصّ ف وشّه بقرف و تفّ صنف ما ينفع إلا تعامله بالإهانات طب وحياة أمك ياحبيبي لأخليك على جَمْر تبات إيده تثبّت تحته خازوق بالأوجاع و يروح ملزوق تِشْغِي فيه من تحت لفوق مرة يسورق ... مرة يفوق ساعة اتنين و تزيد الحدّة يصبح كل الضرب بشدة يملا لسانه بكل سفالة إيده و رجله فيه شغّالة يغمى عليه .......... بعد دقايق ..... يرجع فايق يرجع تاني لطبعه الرايق ظابط أمن الدولة السابق لما بيصحى ف يوم مدّايق لما يلاقي الجو كئيب أو متقريف للتعذيب لو تشتدّ عليه الأزمة لما يعوز الجرعة اللازمة يضرب نفسه تلاتين جزمة عضو اتحاد كُتّاب مصر

]]> http://www.aldiwan.org//articles-action-show-id-1782.htm Thu, 16 Jun 2011 13:51:55 +0300 <![CDATA[ عجبى من نظرة عنيكى ]]>

عجبى من نظرة عنيكى زغلول الطواب بتعجب من نظرة عنيكى بتقفل وتفتح أبوابها ندهتلى مره برموشها على ما جيتلك كنتى مشيتى عجبى فضلت باصص عليكى شدتنى خطوة رجليكى مشيت وراكى بعنيا !تكعبلت ودعيت عليكى وعجبى وجعتنى الوقعه وما قولتش قومت ومشيت وراكى ومحرمتش فضلت باصص عليكى وما توبتش آه من هز الوسط !للى عليكى وعجبى تعبت من المشى وراكى هدى الخطوه حرام عليكى وقفت أريح شويه لاقيت عنيا مش سيباكى وعجبى قولت لنفسى ما فيش فايده !تجرأت وندهت عليكى لاقيتك وقفتى تبصى عليا والضحكه ماليه عنيكى عجبى !تعجبت على حالى وتعب رجليا و!للى جرالى و!نتى سيقاها وماشيه ومبسوطه علشان بجرى وراكى وعجبى

]]> http://www.aldiwan.org//articles-action-show-id-1749.htm Mon, 30 May 2011 15:37:58 +0300 <![CDATA[ لو حقيقى قلبك فيه حنان ]]>

لو حقيقى قلبك فيه حنان زغلول الطواب لو حقيقى قلبك فيه حنان إثبت ليا حنانه بالدليل والبرهان أنا سقيتك كل حنانى مشفتش منك غير الهجر والنكران لو كان ده طبعك خليك فى هجرك وإنسانى وأنا هعتبرك فى عالم النسيان إللى ما يقدرش حنانى ميستهلش يكون إنسان لو كان ليك قلب زى البنى آدمين كنت قدرت الشوق والحنين رغم قساوة قلبك وهجرك وبعدك كنت بسهر علشانك الليل أفكر فى أحوالك أتارينى مش على بالك ولا فكرت مره تسأل وتقول إللى سقانى حنانه فين أنا خلاص عرفت طريقى المهم تعرف إنت طريقك فين إللى زيك ملهوش طريق كل شويه تقب وتغطس زى الغرقانين لو كنت مخلص فى حبك كنت نجيت من الغرق يا مسكين خليك عايم فى بحرك ولا شاطىء هيقابلك ولا مرسى يحضن قلب ناكر للحنان والحنين

]]> http://www.aldiwan.org//articles-action-show-id-1735.htm Fri, 27 May 2011 06:15:33 +0300 <![CDATA[ لا ترحل يا مبارك ]]> خالد ابو حامد ليه رحلت يا عمنا ما كنت قاعد وسطنا تكمل انجازاتك وتحرق اللى باقى فى دمنا ومع خلق الله تسود وشنا يا عم خليك وسطنا كمل ملياراتك بباقى رزقنا والا بيع اللى باقى فى ارضنا وايه يعنى ببلاش بعت غازنا لولاد عمنا عشان يقتلوا اخواتنا واهلنا ليه رحلت يا عمنا مكنت تستنى وسطنا تبيع اللى فاضل عندنا تبيع هوانا وشمسنا او تبيع كرامة شعبنا رحلت يا عمنا ؟؟؟؟؟ بعد ايه ؟؟؟؟ بعد ما بعتنا بعد ما سودت وشنا بين الامم وفضحتنا السودان شمالها وجنوبها قسمتها وفيها ضيعت اهلنا الطيبين مننا وكمان ضيعت افريقيا مننا ودفنت هناك مجد ناصر واهنتنا وضيعت مية نيلنا مننا ليه رحلت يا عمنا بعد ما خليت قزم العرب احسن مننا والترك ياخدوا مكاننا مننا ليه رحلت يا عمنا بعد ما خربتها خليك قاعد على تلنا ليه رحلت يا عمنا مكنت تستنى انت وكلابك وسطنا تمصمصوا عضمنا بعد ما كلتوا لحمنا شكلك رحلت يا عمنا هو انته خدت الكرسى معاك ولا سيبته عندنا ياعم خليك وسطنا السجن واسع عندنا ومش هتقتل حلمنا مدير المركز الوطنى

]]> http://www.aldiwan.org//articles-action-show-id-1652.htm Tue, 26 Apr 2011 18:31:12 +0300