http://www.aldiwan.org//articles.php?action=listarticles&id=41 المقالات ar-sa Copyright 2012 - aldiwan.org Sat, 19 May 2012 14:10:10 +0300 Fri, 28 May 2010 20:07:43 +0300 محمد الحمايل Dimofinf Rss Feed Generator 1440 عالم مجنون .. مجنون ما بقاش العقل بيتحكم .. عالم مجنون والكل بيشكى ويتألم .. فى بلاد الكون ولا عاد فى الدنيا مكان آمن ولا تفرق جنس من التانى لا لسان ولا لون عالم مجنون .. مجنون .. مجنون ملايين عايشين بس فى زحمة فى بيوت صناديق بساتين بقى فيها قصور فخمة وشوارع خانقه بدون رحمة ذى الابريق شبيك لبيك داحنا بنحلم نخرج م الضيق عالم مجنون .. مجنون مجنون مجنون الديب فى الكون عمال يسعى ما بقاش فيه ديك ولا فيه لا امان ولا فيه مسعى والشر فى دنيتنا الواسعه عمال يلاعبنا بكل فنون مجنون .. مجنون مجنون والدنيا قصادك تليفزيون شوف عالم بين ايدك مجنون بين قتل وسفك بايد بارده ودمار بالكوم والموت بالغدر بيسبقنا والناس حواليهم ميت كردون وهتسأل ع الحق استنى اياكش بتحلم صحى النوم ده قانون من قوه بيحكمنا فى بلاد الكون اطفال العالم فى الدنيا فى بلاد بتموت م الجوع او غدر بيقتلها بلا ذنب ولوم ونساء ملهاش ابدا مأوى ولا شىء معلوم يحميها يكون ليها المتوى فرشتها الدنيا فى شوارعها ما بيكفى تبيع وتسد الجوع فى بلاد العالم المجنون والظلم بيفرد فى جناحه والخير ملموم والكل بيحلف بصلاحه وحلاوة الكون لكن والله يا ناس ابدا عالم مجنون مجنون .. مجنون مجنون ملعون الفكر اللى جراحه ع الحق يحيد عايش ممنون بعذابنا بيعلن افراحه وبلاد على موت الناس عايشين والكون بقى ملك لاطماعهم لكن ناسيين فيه رب كريم مالك واصيل هيجيب الطفل اللى فى دمه ياخد بالتار هيجيب البنت اللى اغتصبت تاخد بالتار هيجيب العرق اللى بملحه كان بالقنطار وبحق يرده لاصحابه من ايد الظالم والجبار هيجيب الظلم مع الظالم وبطبله وتار هنزفه والكون هيطالب يتر --- أكثر

]]> http://www.aldiwan.org//articles.php?action=show&id=905 Fri, 28 May 2010 20:07:43 +0300 لملمينى لملمينى إن بعترت فيا المشاعر .. باللى بيا يحس .. واللى بقلبه واعر .. قادرة مهما يبعترونى .. تبقى ضمانى بدراعك .. لما بمشى فى حضن أمنك .. فى الشوارع والحوارى .. تبقى شايفانى بعيونك .. وألقى رملك زاد وميه .. يكسى جسمى بشوق وهدمه .. ما انتى يامه لينا ضمة .. واللى حضنانا بحنانك .. تسلمي لنا ياللى نيلك .. ميته فى قللى القناوى .. ياللى خطوة مشيتك .. تعزف الشوق والغناوى .. ياللى دمعة فرحتك .. حضنها فى عيون ولادى .. انكتب لى إنى مصرى .. منورة شهادة ميلادى

]]> http://www.aldiwan.org//articles.php?action=show&id=904 Fri, 28 May 2010 20:04:13 +0300 يا دنيا .. طــظ يا متعايقه ومعجبانيه مع انك صخور وتراب وليكى فى كل يوم غيه مع الاصحاب وشوشك راسمه ع الابواب ده مين رايحه له من بابه ومين هتنطى م الشباك يا دنيا يا معجبانيه ده ياما بتدى للغانية ما لذ وطاب من الاعناب وتحرم قسوتك ياما كتير من خيرة الاصحاب من الطيب وم الثمرات هقولها لك بصوت عالى ومهما تحاولى تتعالى بقول لك طظ لا انا عايزك من الاحباب رميتك من ورا ضهرى ومليون طظ قفلت الباب وروحى للى يندهلك وفتى له فى طبق الرز شواء وكباب وانا كفاية اعيش عمرى فى خير وسلام وهاتى للى يلبس لك هدوم الرقص يرقص لك وابنى له فلل .. عمارات انا اصلى بليد فى الرقص وسحنة وشى دون مكياج طبيعى بقلبى بالفطره بحب الجد ولا اغراء هيغوينى ولا اطراء ومهما اديتى للزمار هقول لك طظ ولو قلت على حمار هقول لك طظ ده انا انسان يا دنيا وانت لى محطة ما هش دايمه وممكن تبقى يوم ليا آتون من نار وممكن تبقى لي الجنه طريق مختار عرفتينى وليه قلبى ما هوش رايدك عشان الاخره دى الدايمه وهتروحى يا دنيا النار وهيروح برضه وياكى ما كان طبال وكان زمار وكان بالرقص مستكفى يغنى لك بطبلة وطار

]]> http://www.aldiwan.org//articles.php?action=show&id=744 Fri, 12 Mar 2010 20:25:47 +0300 انظر حولك انظر حولك شوف فيه ايه فى الناس مش عاجبك خلاك تمشى تسب وتلعن والناس هما صحابك اهلك بيهم عايش غصب عنك تخرج عنهم وحدك تهلك ليه مش عاجبك اننا شعب كفاحنا عرقنا كد عرقنا بايد عمالنا فكر نبوغنا بايد علمائنا اننا شعب تروسه ما تهدا عايزين مصر نشوفها بتعلا ايه مش عاجبك ليل معاناتنا شقانا تعبنا فوتنا وسبنا لحلم ولادنا حلم ولادنا فى مستقبلهم نبنى الحلم بيوت فى بلادنا اصل ولادنا دى مش هتفيدهم ابدا مرة شهادة جامعة الا ما ينزلوا سوق اعمالنا خلينا حضن يلم شبابنا ليه تكفرهم يوم فى ترابنا قادر مد ايديك لايدينا وانوى بحب تكون فى العيلة المصرية اللى جمعها الحب ابيه اياك تبقى لمصر الضد واعرف عنا اننا مهما نسب بلادنا ناكلك يوم لو يوم تجرحها تلقى قلوب المصريين كلها ضدك مش حباك

]]> http://www.aldiwan.org//articles.php?action=show&id=703 Sun, 21 Feb 2010 22:54:14 +0300 كلامك بإحساسى قلمى بأحلى حروفى رسم لك صورة فى قلب أجمل برواز جوه عيونى الورد فرش لك مهد الشوق خلاه هزاز واتلونتى بقلمى وريشتى روح بتبان من توب شفاف زى خيال بيمر فى قلبى صورته تبان فى مراية ازاز وأنا من وهم الحب فى قلبى اتغزلت فى شوق كداب خدته لمرسم حبى رسم لى أحلى كلام منقوش فى كتاب صدق قلبى وساب صومعتى من ورا عقلى ورد الباب لما بأمر الحب كتبتى عن مشاعرنا أحلى الحكايات ياللى ظلمتى الحب جرحتى حتى قلوب كل الأحباب ليه بتخلى الوهم فى قلبى زى خيوط فى الوهم سراب واما رجعت لنفسى وعقلى من ورا جرييى ورا الأوهام خسران راجع من غير قلبى من غير اى ملام وعتاب هجرك هو اللى معذبنى ده اللى مجرح فيا معلم إنى صبحت بدون أحباب غصب عنى إن كنت بحبك شئ لا بكيفى أو برضاكى حتى إن كنت وقلبى خسرته ما انتى فى عقلى وفى الحكايات بيننا الحب تمللى هيبقى ما يهموش لا فراق ووصال قصة حب فى قلبك عايشة وجوه قلوب كل الأحباب

]]> http://www.aldiwan.org//articles.php?action=show&id=679 Fri, 12 Feb 2010 15:32:24 +0300 أنا مصــر على صفحة جدار الكون تاريخ منقوش ومن كل الحجارة فنون رسمنا وشوش حفرنا الحرف بايدينا بأزميلنا وكل شاكوش وزينا الحجر بنقوش ومن عبق التاريخ يا زمان معابد عاليه شيدنا وأهرام تلقى مقياسها بعقل الهندسة اتخطت بعلم عقول وكان الكون فى جهل ولسه ما تعلمشى إلا النوم بنينا بالعلوم دنيا بعلم ونور سلام بيدوم تعالى احكى لى يا عم التاريخ واروى لولدى وقول وخدهم رحلة فى الوادى وطوفهم فى كل ربوع يشوفوا ويقروا بعيونهم ما كان محفور وكان مدفون آثار الدنيا تلتينها دى ملك لمصر وكل الكون له تلت مشاركة أصل إحنا حضارة كون سبقنا الدنيا بعلومنا وادنا الشمعة بايدينا فى ضلام الكون تاريخ يا كبيرة وكتابك ده بهو تشيله عمدانك حروفه قصاد عيون الناس بيقروه وهما جوه الدور وما وقفناش ولا قطر العلوم عطلان تاريخك لسه عم يكتب وكمل دور جدودنا بدور نوابغ مصر فى عقولنا وفى عقولهم معالم نور ما نضبت مصر برجالها بتولد مصر يوم ورا يوم زعامات غيرت دنيا وضافت للتاريخ صفحة وشق صفوفنا من علما فى كل مجال رجال بصمتها بتعلم تضيف للكون وهتكلم آنا المصرى ما عاد يابنى السكات ينفع ما عاد دمى اللى راح يشفع وفات لينا الجراح بالكوم أنا مصر التاريخ يابنى كفاح موصول وبانية الكل من دمى ودمى فى أرضهم طارح لخيرهم كل شيء لليوم ما فيش غيرك فى يوم يابنى ده من دمى ما ليش غيرك عزيز عندى ومن لحمى تعالى فى حضنى كملنى وداوى بدمعتك جرحى وخد منى اللى ليك موجود ودانك بس تسمعنى ما تسمعش اللى سممنى وهد بايده جدرانى أنا مصر التاريخ جدك وأبوك سدى وخالك ويا أعمامك جنود لحدودى بتصونها وأمك يا بنى بكريه لبنات اليوم تلاقى --- أكثر

]]> http://www.aldiwan.org//articles.php?action=show&id=666 Sat, 06 Feb 2010 21:14:45 +0300 غمضي عنيكي بين عيونك كل أحلام الليالى غمضى خلينى احلم بالأمانى وانتى جمبى الحنان مالهوش نهاية وعدا بيا الحدود من دنيا ماليه جراحها فيا خدنى سافر بيا ودانى فى أمان كون ما بين الحلم يسكن فى الزمان فوق سحاب مليان سراب ما لهوش مكان كنت طاير زى طير فرد الجناح شاله حطه فى قلب ليل مليان ضياء وانت جمبى كنت زى نسمة شاردة فى الهواء ضى بدد كل عتمة فى السماء والشفافية اللى فيكى اه يا روعة حبى ليكى اه وياه اه يا احساسى اللى خد م الشوق مداه انشلينى من مساحات الفضاء عيشينى فى وهم أطياف السراب وانت جمبى كل ثانية دى دنيا وياكى الحياة ألف دنيا وكل ثانية برحلة تانية والحياة فى الدنيا تبقى نهار وليل إلا دنيتنا احنا ليلنا بألف ليل إلا فرحتنا احنا عشنا الفرحة كون اه يا قلب الحب فينا بكل لون اه يا روعة حلم كان أد الزمان عشنا .. بوحنا .. همس شوقنا كل شىء كان بيننا كان شىء يخص قلوبنا خارج م الزمان خللى بيننا الحزن يوم ما لهوش مكان

]]> http://www.aldiwan.org//articles.php?action=show&id=654 Mon, 01 Feb 2010 20:48:54 +0300 سامحيني متجرحة ودموعها ........ فى عيونها ندى وبعيده عنى فى قربها .......... ... بعد السما يا دموع عيونها اسمعى .... ده مكانش قصدى انما انا قلبى حب يكون لها .......طول عمره عايش بالوفا ....... سامحينى ..... سامحينى ياللى دمعك مجارحى خلانى اغنى واغسل ملامحى بدموع عيونك والندى سامحينى قلبى ما بئاش ده قلبى ودموع عيونى زادت شجونى خاصمتنى ضاعت فى السدا غضبانة منى وازاى هصالحك وانا روحى ناصبتنى الجفا يرضيكى ابعد واحرم مشاعرى من طيرها جمبك فى السما سامحينى وللا فى البعد عنك لا هيبقى منى عندها غير شوق دبحنى خلانى ابكى من جرح صابك منى أنا

]]> http://www.aldiwan.org//articles.php?action=show&id=649 Sat, 30 Jan 2010 19:35:14 +0300 ضياء الفجر فى ليل الضلمة بنحسس على الأشياء وايدنا تجس وتدور على المصباح ولو ما يكونش فيه مصباح بعود كبريت وكام شمعة نئيد وتبدد الأضواء ما كان فى الضلمة مستخفى مكانش يبان وبعض الضى كان منا وم الأفكار قليل العلم كملنا ولسه الجهل فى العتمة عايز له نهار ولكن ضى فجر الله بيملا الدنيا فى عيوننا ضياء وشعاع بدون مصباح بلا كبريت بدون شمعة يا عالم ياللى فى الأشياء ما بتدورش وتفكر ومالى الدنيا بالأشباح بتتعفرت وفاكر إنها سايبة تبدد نعمة الخلاق وما يهمش دى ايه الأخلاق ومالى الأرض بالأتراح وتخرب كل متعمر ضمير ميت ما يتحرك ورب الدنيا بالإبداع حبانا بعقل بيفكر ركنا العقل والمفتاح ورا الشهوة بنتمخطر وسيقانا غرايزنا بتغرف لذة الإشباع وتهنا فى دنيا بتسكر وساعة لما يتقدر ونخرج منها بتقطر دموعنا على اللي راح منا ولا خدنا معانا متاع وراح تدفع وبالذرة حساب عمره ما يتأخر وخد عندك شراب مرك وخد عندك عمل خيرك محدش يومها رح ينفع يا عبد الله مفكرتش فى ارض الله فى ملك الله وخليت فيها السموم تكتر ما فكرتش فى خلق الله ولا بترحم عبيد الله وهمك كله كان نفسك وايه فى اليوم ده م اللذة وتسألنى حياتى دى ايه ما هو انت بدنيتك أدرى ما عنديش فكرة عن نفسك ماليش فى الدنيا غير إنى بحاسب نفسى ليوم أغرق ما ليش فى الدنيا غير إنى أعيش فى ضيافة الرحمن أصون النعمة للمضياف عشان ساعة الرحيل يبقى ما نيش خسران مانيش خسران

]]> http://www.aldiwan.org//articles.php?action=show&id=623 Fri, 15 Jan 2010 23:39:09 +0300 النيل والبحر ألف سؤال بيدور جواكى مش لاقيا لهم اى جواب ايه اللى رمانى فى بحر هواكى واحنا بعاد بالكاد أصحاب حتى إننا عن بعض أغراب انت جوار المالح ساكنة وأنا بجوار النيل في بعاد ايه قربنا خلا البحر ده جنب القلعة خلا البحر المالح يجرى جوه فى مجرى النيل أحباب هو الحب فى قلبى امرنى وللا امرنى الشوق لأصحاب بعدوا وعز عليا العشرة نسيوا العيش والملح ازاى لكن برضه الحب امرنى زى البحر ونيل دمياط جوه فى راس البر اتقابلوا وعاشوا اتنين واعز اصحاب ريحى بالك حبك قدرى وان كان حبى ده مش ع البال انسى وعيشى فى بعدك عنى برد شتاكى ودوقى هواه

]]> http://www.aldiwan.org//articles.php?action=show&id=614 Sat, 09 Jan 2010 12:09:06 +0300