كفاية إبداع يا مصر

بأقلام القراء

‫#‏هما_كلمتين‬
◘-كفاية إبداع يا مصر
◘-من يومان كنت في مطار القاهره صاله 3
لفت انتباهي التمثال للي في الصوره ده اول حاجة يشوفها السائح لما يدخل مصر علي اساس اننا معندناش اي اثار فرعونية او اي حضارة الي وضع التمثال دة والي وافق عليه اكيد التمثال دة بتاع واحدة قريبتهم وحب يخلد ذكراها

◘- انا بجد مستغرب ياعنى ليه 😂😂😉
◘-مين ‫‏الست‬ دى وبتعمل ايه هنا
◘-بحثت عن سؤالي كتير ومحدش رد عليا
سالت عاملين المطار من الكبير للصغير
◘-اللي يقولي ان التمثال ده :

◘-تمثال حضارى ثقافى بيعبر عن الست المصرية فى شهر 8 على شط جمصة تحت تأثير المحشى

◘- ولا تكونش دي ام سعيد اللي عندنا في البلد و هي قاعده عالمصطبه و بترغي مع جارتها علي ام فاروق و اللي حصلها امبارح

◘-ولا ممكن تكون واحده الطياره فاتتها و اتحنتطت من كتر ما كانت مستنيه الطياره اللي بعدها

◘-ولا ده اكيد بيعبر عن ” انا كنت معديه قولت اجى اخد الجمعيه

◘-من غيركلام اكيد دي الست اللي بتطلع في توم و جيري ياه اخيرا شوفت وشها :’
◘-طبعا دي كلها اجتهادات من وحي تفكيري ومافيش حد جاوب لان محدش عارف عارف حاجه

◘-السؤال بقي للسيد المحترم رئيس المطار

◘-يعني من قلة الآثار في مصر احنا ممكن نحول المطار المصري الي متحف ويبقي واجهة للحضارة المصرية ينبهر بيها السائح بمجرد وصولة الي مصر

◘-اذا كان لدى القائمين على تنسيق وتطوير مطار القاهرة أزمة مع الحضارة الفرعونية فلديهم بدائل أخرى عن هذا التمثال الذى يعطى شعوراً بالترهل والخمول ويعطى للسائح انطباعاً بأنه مقبل على دولة تقدس الكسل بعد أن كانت حضارتنا الفرعونية يضرب بها المثل فى العلم والعمل.

◘-المفروض ان اللى أضافوا دول أثريين، والحقيقة مش فاهم العبقرية للي تمتعوا بيها لما وضعوا هذا التمثال غير حاجه واحده انها تعرفنا على قدر الجهل الذى يتمتع به هؤﻻء اﻻشخاص

اكيد يعني مش محتاجه تواضيح ده بيعبر عن حالة البلد من الي شافته
◘-كفاية إبداع يا مصر

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *