ياموزع القمصان (قصيدة)


محمد عبد القوى حسن

الوالى اللى مااتوﻻش

هايولع الدكان على اصحابه

ابو شوشه منفوشه ركب فجاه

على الحنطور

قال دور ياتور

طلع الفرس مندار

والحاره طاره متوشحه بالسواد

طالعه العناكب على الرفوف

من غير اوان وﻻ استئذان

بيقسموا الزلعه

والولعه قامت

فينك يابو قرعه

جات السحالف بتملى تبخ ف الولعه

وابو رجل مسلوخه

خدته الدوخه ف الزوغان

مشهد حزين ف الحاره ومآسى

اقزام على الترام

تعرفش غير تتشعلق

واجسام بغول بتصول

خلف اللى مش صاحب صفه

والضحكه صفره بتهز الهﻻل

اباليس كتير ف لوعة الكيال

اجران تطير ف الهوى

ماتساوى نص ريال

اباليس ومتكومه ترصد الحاصل

عتاريس بتنقل كدب ف الصوره وتواصل

عمال ينخرب تحت ف الجدران

ابو سيره مهتوره ..

متدارى ف العتمه

تنزل ف حارة الرعب ياواد او تنزلش

وتهش كل المرضانين كده هش

او ماتهش

وتعدل البيبان

وتفوق التوهان من العالم

وتطلع العالم من الدخان

وتدوس برجلك بالقدم ع الجمر

وتهز نخلك نفسهم ف التمر

من غير ياعينى مايتعرضوا

للحر عز الضهر

ويولع الدكان او مايتقدمش

يتطوح الربان او مايتنيلش

الحرب دارت والفتنه مابتهمدش

قتلوا الحسين

طلع الحسن اخذ العزا وماقتلش

جوه الصيوان الوان

من البشر قاعدين

ماسكين ف سيرة النبى

وف سيرة ابو جهل متجاهلين

ياخلق هو الرمم

ريحتها فاحت خﻻص

بقت جيفه

ياخلق هو

جرس الفضايج دى وليها حريفه

وسيفك خساره ياواد عمى

ف عنق خليفه

ازرع به ارضك ووكل به ياواد ناسك

انصف مداسك يافتى من الوحله

وابعد عن اللهيفه والهتيفه

قمحك شريف ومالكش ف الهتره

قطنك نضيف اغزل به كام ستره

قوم وزع القمصان على العريان

ف يوم العيد على الغلبان

ويولع الدكان من البهتان

جنان العظمه

بيصيب التيران اكيد ياهامان

هاتدخل النيران اكيد ياهامان

وقبل اما تدخلها

تﻻقى الكهنه كلهم تركوك

واتخلوا عنك حبايبك ف عز الولعه

ياسبع سابوك

فاشرب من الغسلين ياكوهين

واعمل زعيم ف النار

او . والى . وما اتولتش


    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *